Headlines News :
Home » » ဒေါ်အောင်ဆန်းစုကြည်က ပါတီအားလုံးကို ကျေးဇူး တင်ကြောင်းပြော

ဒေါ်အောင်ဆန်းစုကြည်က ပါတီအားလုံးကို ကျေးဇူး တင်ကြောင်းပြော

Written By Aye Minn on Wednesday, February 3, 2016 | 11:22 PM


အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် ဖေဖော်ဝါရီလ ၃ ရက်နေ့က နေပြည်တော်မှာ သတင်းထောက်တွေ နဲ့ တွေ့ဆုံစဉ်။ Photo: Myo Thant Khaing/ RFA
ပြည်သူ့လွှတ်တော်နဲ့ အမျိုးသားလွှတ်တော် ဥက္ကဌနဲ့ ဒုတိယဥက္ကဌတွေကို ရွေးချယ်ရာမှာ ချောချောမောမော ဖြစ်ခဲ့တဲ့ အတွက် နိုင်ငံရေးပါတီအားလုံး ကို ကျေးဇူးအထူးတင်ရှိကြောင်း ဒေါ်အောင်ဆန်းစုကြည်က ပြောပါတယ်။

ဒီကနေ့ နေပြည်တော်က တရားဥပဒေစိုးမိုးရေးနဲ့ တည်ငြိမ်အေးချမ်းရေး ကော်မတီရုံးခန်းမှာ သတင်းမီဒီယာတွေနဲ့ တွေ့ဆုံစဉ် ဒေါ်အောင်ဆန်းစုကြည် က ပြောတာဖြစ်ပါတယ်။

"ပြည်သူ့ထဲမှာရော၊ အမျိုးသားမှာရော၊ ဘယ်သူကမှလေ့လာဖို့မကန့်ကွက်ဘူး၊ ဘယ်သူကမှလည်းအပြစ်မတင်ဘူး၊ အန်တီအများကြီးကျေးဇူးတင်တယ်၊ တခြားပါတီ၊ တပ်မတော်သားကိုယ်စားလှယ်တွေကိုလည်း ကျေးဇူးတင်တယ်၊ အန်တီတို့က အများစုဖြစ်တယ်ဆိုပေမယ့်လည်း ပြိုင်ပြီးတော့ တင်ချင်ရင်တင်လို့ရတာပဲ၊ နိုင်တာ၊ မနိုင်တာကိုပြောတာမဟုတ်ဘူးနော်၊ တနည်းအားဖြင့် အဖွဲ့ချုပ်ကနေအဆိုပြုတဲ့သူတွေကို ကန့်ကွက်တဲ့သဘောနဲ့ ပြိုင်ပြီးတော့ တင်ချင်ရင်တင်လို့ရတာပဲ၊ ဒါပေမယ့် ဒီလိုမလုပ်ပဲနဲ့ အားလုံးပူးပေါင်းဆောင်ရွက်တဲ့အတွက် အန်တီအရမ်းဝမ်းသာတယ်၊ ကျေးဇူးလည်းတင်တယ်၊ တခြားပါတီတွေရော၊ တပ်မတော်သားကိုယ်စားလှယ်တွေကိုရော၊ အန်တီတို့ရဲ့ပြည်သူ၊ ပြည်သားတွေကလည်း ဒါကိုစိတ်ချမ်းသာမယ်လို့ အန်တီထင်တယ်"

ဒီကနေ့ အမျိုးသားလွှတ်တော် ဥက္ကဌ အဖြစ် မန်းဝင်းခိုင်သန်း နဲ့ ဒုတိယဥက္ကဌ အဖြစ် ဦးအေးသာအောင်တို့ကို ရွေးချယ်တင်မြှောက်လိုက်တာ ဖြစ်ပါတယ်။

လွှတ်တော်မှာ သတင်းယူတဲ့ သတင်းမီဒီယာတွေ အဆင်ပြေချောမွေ့စေဖို့ကိုလည်း ဆွေးနွေးခဲ့ကြပါတယ်။ လက်ရှိမှာ လွှတ်တော်အစည်းအဝေးတွေကို အစည်းအဝေး ခန်းမတွင်းမှာ ရိုက်ကူးခွင့်မရှိဘဲ အဆောင်အပြင်မှာရှိတဲ့ တီဗီမှန်သားပြင်ကိုပဲ ရိုက်ယူရတာဖြစ်ပါတယ်။

လွှတ်တော် သတင်းယူတာနဲ့ပတ်သက်ပြီး အန်အယ်လ်ဒီက တာဝန်ရှိသူ ၊ လွှတ်တော်က တာဝန်ရှိသူတွေအပြင် သတင်းမီဒီယာတွေက တစ်ချို့နဲ့ နောက်ထပ်တွေ့ဆုံဆွေးနွေးမယ်ဖို့ သဘောတူကြပါတယ်။

နိုင်ငံတော်သမ္မတတာဝန်ယူဖို့ နဲ့ပတ်သက်ပြီး မေးမြန်းရာမှာ ဒေါ်အောင်ဆန်းစုကြည်က မတ်လ အထိအချိန်ပေးထားတာကြောင့် သိပ်အမောမခံကြဖို့ နဲ့ အချိန်တန်ရင်သိရမှာဖြစ်ကြောင်း ပြောပါတယ်။

RFA Burmese
Share this article :

တစ်ပတ်အတွင်းသတင်းဒိုင်ယာရီ

email တွင်ဖတ်ရန် သင့် Mail ကိုရိုက်ထည့်ပါ

Zawgyi Unicode Font

Download

Total Pageviews

ထားဝယ်မြို့ဆန်းချီ အ-မ-က မြတ်ဆရာပူဇော်ပွဲ

Mandalay FM Live Radio


Mandalay FM Live Radio


လွင့်မောင်မောင်၏ ဒိုင်ယာရီ စာမျက်နှာများ

Followers

 
Support : Creating Website | Johny Template | Mas Template
Proudly powered by Blogger
Copyright © 2011. Lwintmgmg Daily News - All Rights Reserved
Template Design by Creating Website Published by Mas Template