Headlines News :
Home » » NCA လက်မှတ် ရေးထိုးခြင်းအခမ်းအနား တက်ရောက်မည်ဆိုလျှင် မြောက်ပိုင်းဒေသ၌ ဖြစ်ပွားနေသော တိုက်ပွဲများအတွက် အခမ်းအနား ဆင်နွှဲသည့်အဓိပ္ပာယ် သက်ရောက်မည်ဟု ယူဆသောကြောင့် မတက်ရောက်နိုင်ဟု KNU ဒုတိယဥက္ကဋ္ဌ နော်စီဖိုးရာစိန် ကြေညာချက်ထုတ်ပြန်

NCA လက်မှတ် ရေးထိုးခြင်းအခမ်းအနား တက်ရောက်မည်ဆိုလျှင် မြောက်ပိုင်းဒေသ၌ ဖြစ်ပွားနေသော တိုက်ပွဲများအတွက် အခမ်းအနား ဆင်နွှဲသည့်အဓိပ္ပာယ် သက်ရောက်မည်ဟု ယူဆသောကြောင့် မတက်ရောက်နိုင်ဟု KNU ဒုတိယဥက္ကဋ္ဌ နော်စီဖိုးရာစိန် ကြေညာချက်ထုတ်ပြန်

Written By Aye Minn on Tuesday, October 13, 2015 | 9:32 PM

၂၀၁၄ ခုနှစ် ဇန်န၀ါရီက KNU နယ်မြေ လော်ခီးလာ၌ ပြုလုပ်သော တိုင်းရင်းသားလက်နက်ကိုင် အဖွဲ့များ၏ ထိပ်သီးဆွေးနွေးပွဲတွင် KNU ဥက္ကဋ္ဌ စောမူတူးဆေးဖိုး၊ KNU ဗဟိုကော်မတီဝင် မန်းငြိမ်းမောင် တို့နှင့်အတူ KNU ဒုတိယဥက္ကဋ္ဌ နော်စီဖိုးရာဇိန်ကို တွေ့ရစဉ်

တစ်နိုင်ငံလုံး ပစ်ခတ်တိုက်ခိုက်မှုရပ်စဲရေးစာချုပ် (NCA) လက်မှတ်ရေးထိုးခြင်း အခမ်းအနားတက်ရောက်မည်ဆိုလျှင် မြောက်ပိုင်းဒေသ၌ ဖြစ်ပွားနေသော တိုက်ပွဲများအတွက် အခမ်းအနားဆင်နွှဲသည့် အဓိပ္ပာယ်သက်ရောက်မည်ဟု ယူဆသောကြောင့် မတက်ရောက်နိုင်ကြောင်း ကရင်အမျိုးသားအစည်း(KNU) ဒုတိယဥက္ကဋ္ဌ နော်စီဖိုးရာစိန်က အောက်တိုဘာ ၁၂ ရက်တွင် ကြေညာချက်တစ်စောင် ထုတ်ပြန်ခဲ့သည်။

အဆိုပါ ကြေညာချက်တွင် ၀န်ကြီးဦးအောင်မင်းမှ ၂၀၁၅ခုနှစ် အောက်တိုဘာ ၇ ရက်တွင် ပေးပို့သည့်စာကို ကောင်းမွန်စွာ လက်ခံရရှိသည့်အတွက် အောက်ပါအတိုင်း အကြောင်းပြန်အပ်ပါသည်ဟုဆိုကာ အချက်ငါးချက်ကို ဖော်ပြထားသည်။

အဆိုပါအချက်များမှာ ၀န်ကြီးမှ မိမိအား NCA လက်မှတ်ရေးထိုးပွဲ ကျင်းပရေးအခမ်းအနားကို တက်ရောက်ရန် ဖိတ်ကြားသည့်အတွက်  ကျေးဇူးအများကြီး တင်ရှိပါကြောင်း၊ မိမိအနေဖြင့် KNU ခေါင်းဆောင်တစ်ဦး အနေဖြင့်ဖြစ်စေ၊ တိုင်းရင်းသား လက်နက်ကိုင်တော်လှန်ရေးအဖွဲ့အစည်းများ၏ အဆင့်မြင့်ညှိနှိုင်းရေး ကိုယ်စားလှယ်ခေါင်းဆောင်တစ်ဦးအနေဖြင့်ဖြစ်စေ မိမိတို့ ကြိုးပမ်းမှုမှာ မျှော်မှန်းထားသည့် အဆင့်ကို မရောက်ရှိသေးဟု ခံယူပါကြောင်း၊ ယုံကြည်မှု တည်ဆောက်သည့်အနေဖြင့် ပြည်ထောင်စုအဆင့် လက်မှတ်ရေးထိုးခဲ့စဉ်က သဘောတူညီခဲ့သည့် တိုင်းရင်းသားနယ်မြေဒေသအတွင်း ထိုးစစ်ဆင်မှု ရပ်တန့်ရေးကို လက်တွေ့အကောင်အထည် မဖော်နိုင်ခဲ့သည်မှာ ၀န်ကြီးအသိပင် ဖြစ်ပါကြောင်း ဖော်ပြထားသည်။

ဆက်လက်၍ NCCT နှင့် SD အဖွဲ့တို့၏ နှစ်နှစ်တာကာလအတွင်း တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးစာချုပ်ချုပ်ဆိုနိုင်ရန် ကြိုးပမ်းခဲ့သော်လည်း မြောက်ပိုင်း ကချင်ပြည်နယ်နှင့် ရှမ်းပြည်နယ်များတွင် တိုက်ပွဲများ ထိုးစစ်ဆင်မှုများ တစ်လျှောက်လုံးဖြစ်ပွားခဲ့သည်ကို တွေ့ရှိရကြောင်း၊ ၀န်ကြီးစာထဲမှာ ဖော်ပြထားသည့်အတိုင်း NCA လက်မှတ်ရေးထိုးမည့်အဖွဲ့နှင့် လက်မှတ်မထိုးရသေးသည့် အဖွဲ့အစည်းများအတွက် နိုင်ငံရေး စစ်ရေး လူမှုရေးအာမခံချက်များရရှိရန် ကြိုးစားမည်ဟု ဖော်ပြထားကြောင်း၊ လက်မှတ်ရေးထိုးမည့် အချိန်ကာလ နီးကပ်လာလေလေ တိုက်ပွဲများ ဆက်လက်ဖြစ်ပွားပြီး အခြေအနေများ တင်းမာသည်ကို တွေ့ရှိရသည့်အတွက်လည်း များစွာ စိုးရိမ်ပြီး စိတ်မကောင်းဖြစ်မိကြောင်းနှင့် မိမိအနေဖြင့် ဤကဲ့သို့ တိုက်ပွဲများ ဆက်လက်ဖြစ်ပွားမှုကို ကြိုတင်ခန့်မှန်းပြီး NCA လုပ်ငန်းအပေါ် အဟန့်အတားဖြစ်မည်ကို စိုးရိမ်သည့်အတွက် တိုင်းရင်းသားလက်နက်ကိုင် တော်လှန်ရေးအဖွဲ့အစည်းများ အားလုံးပါဝင်ရေးကို ကြိုးပမ်းခဲ့ခြင်းဖြစ်ပါကြောင်း၊ မိမိ၏ လက်တွေ့ကျကျဖြစ်ချင်သည့်ဆန္ဒမှာ NCA လက်မှတ်ရေးထိုးသည့်နေ့သည်  တစ်နိုင်ငံလုံး သေနတ်သံတိတ်သည့်နေ့ ဖြစ်လာရန်ဖြစ်ပါကြောင်း၊ သို့သော် ယခု လက်မှတ်ရေးထိုးချိန်တွင် တိုက်ပွဲများ ဆက်လက်ဖြစ်ပွားကာ ပြည်သူလူထုများလည်း ကြောက်ရွံ့မှုများ ဆက်လက်ရှိနေပြီး ဘ၀လုံခြုံမှုမရှိသည့်အတွက် မိမိအနေဖြင့်  NCA လက်မှတ်ရေးထိုးပွဲ အခမ်းအနားသို့ တက်ရောက်ရန် ခွန်အားမရှိကြောင်း ဖော်ပြပါရှိသည်။

အစိုးရနှင့် လက်မှတ်ရေးထိုးမည့် လက်နက်ကိုင်အဖွဲ့အစည်း ရှစ်ဖွဲ့ရှိပြီး ယင်းအဖွဲ့များမှာ ကရင်အမျိုးသားအစည်းအရုံး(KNU) ၊ ရှမ်းပြည်ပြန်လည်ထူထောင်ရေးကောင်စီ (RCSS/SSA) ၊ ဒီမိုကရေစီအကျိုးပြု ကရင့်တပ်မတော် (DKBA) ၊ KNU/KNLA ငြိမ်းချမ်းရေးကောင်စီ၊ ပအိုင်းအမျိုးသားလွတ်မြောက်ရေးအဖွဲ့ချုပ် (PNLO)၊ ချင်းအမျိုးသားတပ်ဦး (CNF)၊ မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး (ABSDF)နှင့် ရခိုင်လွတ်မြောက်ရေးပါတီ (ALP) တို့ ဖြစ်ကြသည်။

အစိုးရနှင့် တိုင်းရင်းသားလက်နက်ကိုင်အဖွဲ့ ရှစ်ဖွဲ့၏ တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) လက်မှတ်ရေးထိုးပွဲကို ၂၀၁၅ခုနှစ် အောက်တိုဘာ ၁၅ ရက်တွင် နေပြည်တော်၌ ကျင်းပမည်ဖြစ်ပြီး လက်မှတ်ထိုးပွဲသို့ ပြည်တွင်းပြည်ပ အဖွဲ့အစည်းအသီးသီးမှ ပုဂ္ဂိုလ် ၈၀၀ ကျော် ဖိတ်ကြားသွားမည် ဖြစ်ကြောင်းသိရသည်။
Eleven Media Group
Share this article :

တစ်ပတ်အတွင်းသတင်းဒိုင်ယာရီ

email တွင်ဖတ်ရန် သင့် Mail ကိုရိုက်ထည့်ပါ

Zawgyi Unicode Font

Download

Total Pageviews

ထားဝယ်မြို့ဆန်းချီ အ-မ-က မြတ်ဆရာပူဇော်ပွဲ

Mandalay FM Live Radio


Mandalay FM Live Radio


လွင့်မောင်မောင်၏ ဒိုင်ယာရီ စာမျက်နှာများ

Followers

 
Support : Creating Website | Johny Template | Mas Template
Proudly powered by Blogger
Copyright © 2011. Lwintmgmg Daily News - All Rights Reserved
Template Design by Creating Website Published by Mas Template