Headlines News :
Home » » စုပေါင်း အားဖြင့်သာ ဖက်ဒရယ် ဆန်သည့် ဖွဲ့စည်းပုံ ပြင်နိုင်မည် ဟု ခွန်ထွန်းဦး ပြော

စုပေါင်း အားဖြင့်သာ ဖက်ဒရယ် ဆန်သည့် ဖွဲ့စည်းပုံ ပြင်နိုင်မည် ဟု ခွန်ထွန်းဦး ပြော

Written By လွင့်မောင်မောင် on Thursday, June 18, 2015 | 10:02 PM

မန္တလေးတိုင်း အတွင်း SNLD  သျှမ်းတိုင်းရင်းသားများဒီမိုကရေစီအဖွဲ့ချုပ်၏ ရုံးခွဲများဆက်တိုက်ဖွင့် လှစ်ရာ ဥက္ကဌ ခွန်ထွန်းဦးက လွှတ်တော်တွင်း/ပြင် စုပေါင်း၍ ပြိုင်တူတွန်းမှ ဖက်ဒရယ်ဆန်သည့် ဖွဲ့စည်းပုံအခြေ ခံဥပဒေ ပြင်ဆင်နိုင်မည်ဟု မန္တလေး၌ ပြောကြားသွားသည်။


မန္တလေးမြို့ ရုံးဖွင့်ပွဲ တွင် ပါတီဥက္ကဌ ခွန်ထွန်းဦးအဖွင့်မိန့်ခွန်းပြောကြားစဉ်

ဂျွန်လ ၁၇ မှ ၁၉ ရက်အထိ SNLD ခေါင်းဆောင်းများကိုယ်တိုင် ကွင်းဆင်းပြီး မန္တလေးမြို့၊ မိုးကုတ်မြို့၊ သျှမ်းပြည် မြောက်ပိုင်း မိုင်းလုံ၊ မိုးမိတ်တို့တွင် မြို့နယ်ရုံးခွဲများ ဖွင့်လှစ်မည်ဟုဆိုသည်။ ဂျွန် ၁၇ ရက် မန္တလေးမြို့ ရုံးဖွင့်ပွဲ တွင် ပါတီဥက္ကဌ ခွန်ထွန်းဦးက -


“ဖွဲ့စည်းပုံ ပြင်ဖို့အတွက် စည်းလုံးညီညွတ်မှုမရှိရင် မဖြစ်နိုင် တော့ဘူး။ လက်နက်ကိုင် တိုင်းရင်းသားတွေကလည်း ဖယ်ဒရယ်ဆန်တဲ့ ဖွဲ့စည်းပုံ ဖြစ်စေချင်တယ်။ အစိုးရအတိုက်အခံတွေဘက်ကလည်း အဲတာလိုချင်တယ်။ ဒါမယ့် အခု အဲတာ တွေရဖို့လမ်းမမြင်သေးဘူး။ ဒါလည်းဘဲ ဥပဒေဘောင်ထဲမှာနေတဲ့ သူတွေ လည်း ရွေးကောက်ပွဲ ဝင်မယ်။ အနိုင်ရအောင်ကြိုးစားမယ်။ ပြီးမှ လွှတ်တော်ထဲကနေ ပြင်မယ်လို့ ပြောတယ်။ လက်နက်ကိုင်တပ်ဖွဲ့ တွေ လည်း ကျနော်တို့နဲ့ပူးပေါင်းပြီး တောင်းဆိုသွား ကြမယ်။ တဖက်ကလည်း မိဘပြည်သူ တွေ ဒီဟာကိုနား မလည်ဘဲ ကျနော်တို့နဲ့လက်တွဲ မှုမပြုရင် ဖက်ဒရယ်တို့ ဒီမိုကရေစီတို့ဆိုတာ ရဖို့လွယ်ကူမှာ မဟုတ်ပါဘူး။ ကျနော်တို့တော့ ဖယ်ဒရယ်မရမချင်း နောက်မဆုတ်တမ်း  ကြိုးစားသွားမယ်။ ၂၀၀၅- မတိုင်ခင် ကထက် အခြေအနေပိုဆိုးမယ်ဆိုရင်တောင်မှ ကျနော်တို့ ဆက်လက်တိုက်ပွဲဝင်သွားမယ်” - ဟု ပြောခဲ့ပါသည်။


သို့သော် သျှမ်းတိုင်းရင်းသားများဒီမိုကရေစီအဖွဲ့ချုပ်အနေဖြင့်  ရွေးကောက်ပွဲ ဝင်မည်မဝင်မည်ကို မဆုံးဖြတ်ရ သေးကြောင်း ပြောခွင့်ရ စိုင်းလိတ်ကပြောသည်။


“ဖွဲ့စည်းပုံပြင်မယ့်ကိစ္စ ခုချိန်အထိ ကောင်းတဲ့အလားအလာ မတွေ့ရသေးဘူး။ တကယ်လို့ အစိုးရရဲ့ အတိုက်အခံ ပါတီထဲက အင်အားကြီးပါတီတခုက ဖွဲ့စည်းပုံမပြင်လို့ ရွေးကောက်ပွဲကိုဆန့်ကျင်ခဲ့ရင် ကျနော်တို့ နိုင်ငံရေး ဘယ် လိုဖြစ်လာနိုင်မလဲ။ အဲ့အချိန်ကျရင် ကျနော်တို့မယိုင်လဲအောင်ဘယ်လို ရပ်တည်ကြမလဲဆိုတာ အရေးကြီး ပါတယ်။” - ဟု ပြောသည်။


သျှမ်းတိုင်းရင်းသားများဒီမိုကရေစီအဖွဲ့ချုပ်သည်  ၁၉၉၀ ခုနှစ်ရွေးကောက်ပွဲတွင် တနိုင်ငံလုံး ဒုတိယမဲ အများ ဆုံးဖြင့်အနိုင်ရရှိခဲ့သောပါတီဖြစ်ပါသည်။  ပါတီ ဥက္ကဌကြီးခွန်ထွန်းဦးနှင့်ခေါင်းဆောင်များ ထောင်တွင်းအကျဉ်း ကျနေသောကြောင့် ၂၀၁၀ ရွေးကောက်ပွဲတွင်  ဝင်ရောက်ယှဉ်ပြိုင်ခြင်းမပြုခဲ့ပေ။လာမည့် ၂၀၁၅ ရွေးကောက်ပွဲ တွင်မူ  SNLD သည် သျှမ်းပြည်ရှိ သျှမ်းပါတီ ၂ ခု၊   ကချင်ပြည်နယ်၊ စစ်ကိုင်းတိုင်းနှင့် မန္တလေးတိုင်းတို့ရှိ သျှမ်းနီပါတီ ၂ ခု ၊ အင်အားအကြီးဆုံး ကြံ့ခိုင်ရေးပါတီနှင့်  NLD ပါတီတို့အား အကြိတ်အနယ်ယှဉ်ပြိုင်ရ ဖွယ်ရှိနေပါသည်။
သျှမ်းသံတော်ဆင့်
Share this article :

တစ်ပတ်အတွင်းသတင်းဒိုင်ယာရီ

email တွင်ဖတ်ရန် သင့် Mail ကိုရိုက်ထည့်ပါ

Zawgyi Unicode Font

Download

Total Pageviews

ထားဝယ်မြို့ဆန်းချီ အ-မ-က မြတ်ဆရာပူဇော်ပွဲ

Mandalay FM Live Radio


Mandalay FM Live Radio


လွင့်မောင်မောင်၏ ဒိုင်ယာရီ စာမျက်နှာများ

Followers

 
Support : Creating Website | Johny Template | Mas Template
Proudly powered by Blogger
Copyright © 2011. Lwintmgmg Daily News - All Rights Reserved
Template Design by Creating Website Published by Mas Template