Headlines News :
Home » » လှေစီးပြေး ၁၅၀ ဘင်္ဂလားဒေ့ရ်ှနိုင်ငံ ပြန်ပို့

လှေစီးပြေး ၁၅၀ ဘင်္ဂလားဒေ့ရ်ှနိုင်ငံ ပြန်ပို့

Written By လွင့်မောင်မောင် on Monday, June 8, 2015 | 11:13 PM


မြန်မာ့ရေတပ်က ထိန်းသိမ်းပြီး ရခိုင်ပြည်နယ်အတွင်းမှာ စောင့်ရှောက်ထားတဲ့ ဘင်္ဂလာဒေ့ရ်ှနိုင်ငံသားတွေကို နေရပ်ရင်းပြန်ပို့စဉ်။ (ဇွန် ၈၊ ၂၀၁၅)

   မြန်မာ့ပင်လယ်ပြင်မှာ ဖမ်းဆီးရမိပြီး ရခိုင်ပြည်နယ်မှာ ထိန်းသိမ်းစောင့်ရှောက်ထားတဲ့ လှေစီးပြေးဒုက္ခသည် ၉၀၀ ကျော်ထဲက ဘင်္ဂလားဒေ့ရ်ှနိုင်ငံသား ၁၅၀ ဦးကို ဒီကနေ့ တဘက်နိုင်ငံကို ပြန်လည်လွှဲအပ်လိုက်ပြီဖြစ်ပါတယ်။ ကျန်ရှိနေသူတွေကို စိစစ်လျှက်ရှိနေပြီး မကြာခင် လွှဲပြောင်းဖို့ ပြင်ဆင်နေတယ်လို့ လူဝင်မှုကြီးကြပ်ရေးနဲ့ အမျိုးသားမှတ်ပုံတင်ရေးဦးစီးဌာန ပြည်နယ်ဦးစီးမှူးက ပြောပါတယ်။ သတင်းအပြည့်အစုံကို ဗွီအိုအေ သတင်းထောက် ကိုမိုးဇော်က တင်ပြထားပါတယ်။

ေ    လှေစီးပြေးဒုက္ခသည်တွေကို မေလ ၂၁ ရက်နေ့က ရခိုင်ကမ်းရိုးတမ်းက ၂ဝဝ ကျော်နဲ့ မေလ ၂၉ ရက်နေ့က ဧရာဝတီတိုင်း ဖျာပုံမြို့အနီး ပင်လယ်ပြင်က ၇၀၀ ကျော်ကို မြန်မာရေတပ်က ဖမ်းဆီးရမိခဲ့တာဖြစ်ပြီး ရခိုင်ပြည်နယ်မြောက်ပိုင်း မောင်တောမြို့နယ် တောင်ပြိုလက်ဝဲမှာ ထိန်းသိမ်းထားခဲ့တာဖြစ်ပါတယ်။

လူမှောင်ခိုကုန်ကူးခံရသူတွေလက်ထဲက မြန်မာ့ရေတပ်မတော်က ကယ်တင်ထားတဲ့ အဘ္ဘဒူလာမင်က စစ်တွေ ဒုက္ခသည်စခန်းအတွင်းမှာ သူမှတ်မိတဲ့သူတွေကို ညွှန်ပြနေစဉ်။

ဖမ်းဆီးရမိသူတွေကို မြန်မာနဲ့ဘင်္ဂလားဒေ့ရ်ှနိုင်ငံဆိုင်ရာ တာဝန်ရှိသူတွေကစစ်ဆေးတဲ့အခါ ပထမအသုတ်ဖမ်းဆီးရမိတဲ့ လှေစီးပြေး ဒုက္ခသည် ၂၀၀ ဟာ ဘင်္ဂလားဒေ့ရှိနိုင်ငံသားတွေဖြစ်တာကြောင့် သူတို့ကို နေရပ်ရင်း ပြန်ပို့နိုင်ဖို့အတွက် စီစဉ် ဆောင်ရွက်ခဲ့ပါတယ်။ ဒီကနေ့မှာတော့ လှေစီးပြေး ဒုက္ခသည် ၁၅၀ ကို ဘင်္ဂလားဒေ့ရ်ှနိုင်ငံကို လွှဲပြောင်းပေးအပ်ခဲ့တယ်လို့ လူဝင်မှုကြီးကြပ်ရေးနဲ့ အမျိုးသား မှတ်ပုံတင်ရေး ဦးစီးဌာန ပြည်နယ်ဦးစီးမှူး ဦးခင်စိုးက ပြောပါတယ်။

“သုံးနာရီမှာပေါ့နော်၊ တဘက်နိုင်ငံကိုပေါ့- ဘင်္ဂလားဒေ့ရ်ှဘက်ကို ၁၅၀ ဦးကို အပြီးလွှဲပြောင်းပြီး ဖြစ်ပါတယ်။ ဟိုဘက်က အဖွဲ့တွေကတော့ ၁၁ နာရီ၊ ၄၅ မှာ ရောက်ပါတယ်။ ရောက်ပြီးတော့ ၁ နာရီခွဲမှာ လက်မှတ်တွေ ထိုးပါတယ်။ လက်မှတ်ထိုးပြီးတော့မှ ၁၅၀ ကို ကား ၆ စီးနဲ့လာခေါ်သွားတာ ၃ နာရီမှာ အပြီး လွှဲပြောင်းပြီးဖြစ်ပါတယ်။ အခု ကျနော်တို့ကလည်း ဒီ ၅၀ ကို အမြန်ဆုံးလွှဲပြောင်းလက်ခံဖို့ပေါ့နော်၊ ပြောနေပါတယ်ခင်ဗျ။ ဒါလေးကတော့ သူတို့ဆီက ကောင်စစ်ဝန်ကိုယ်နှိုက် ဒီမှာလာပြီးတော့ စိစစ်ပြီးတော့မှ တင်ပြတာလေ။ ကျန်တဲ့ ၅၀ ကိုလည်း ကျနော်တို့က အမြန်ဆုံး စိစစ်လက်ခံဖို့ပေါ့၊ ဒါတွေ ပြောနေပါတယ်ခင်ဗျ။”

Ads by keyAd Options
ဘင်္ဂလီလှေစီးပြေးဒုက္ခသည်တွေ ဘင်္ဂလား-မြန်မာ နယ်စပ်ဖြတ်ပြီး နေရပ်ရင်းကို ပြန်ကြစဉ်။ (ဇွန် ၈၊ ၂၀၁၅)

ဒုတိယအသုတ်ဖမ်းစီးရမိသူ ၇၀၀ ကျော်ကိုစိစစ်ရာမှာတော့ ဘင်္ဂလားဒေ့ရ်ှနိုင်ငံသား ၅၀၀ ကျော်ပါဝင်ပြီး သူတို့ကို အမြန်ဆုံးလွှဲပြောင်းဖို့ ဆောင်ရွက်နေတယ်လို့ ဦးခင်စိုးက ဆက်ပြောပါတယ်။

“ကျနော်တို့ စိစစ်ပြီးသွားပါပြီ။ ကျနော်တို့ဆီမှာ စိစစ်တာက ကျနော်တို့ မြန်မာနိုင်ငံဘက်က ဘင်္ဂလီက ၁၈၇ ဦးနဲ့ ဘင်္ဂလားဒေ့ရ်ှနိုင်ငံဘက်က ဘင်္ဂလီက ၅၄၆ ဦးပေါ့။ ဒါလေးတွေ တဦးချင်း ကိုယ်ရေးမှတ်တမ်းတွေ ကျနော်တို့ ဖြည့်တာပေါ့။ အဲဒါက ဘင်္ဂလားဒေ့ရ်ှဘာသာနဲ့ကော၊ ကျနော်တို့ဘက်က မြန်မာဘာသာနဲ့ရော ပြုစုပြီးတော့မှ ထားပါတယ်။ ထားတဲ့အခါကျ သူတို့ဘက်က ဘင်္ဂလားဒေ့ရ်ှကောင်စစ်ဝန်က စစ်တွေ ကနေလာပြီးတော့ အပြီးစစ်ပြီးသွားပြီ။ စစ်တာကတော့ ၆ ရက်နေ့က စပြီးစစ်တယ်။ ၆ ရက်၊ ၇ ရက်၊ ၂ ရက်စစ်တာပေါ့။ ကျနော်တို့

နှစ်နိုင်ငံအစိုးရက သေချာစိစစ်ပြီးတဲ့နောက် နေရပ်ရင်းကို ပြန်လည်ထွက်ခွာသွားကြတဲ့ ဘင်္ဂလီ လှေစီးပြေးသူများ။

ဘက်ကတော့ သူတို့ဘက်ကို လူစာရင်းပေးထားပြီးတော့ အမြန်ဆုံး လွှဲပြောင်းလက်ခံပေးဖို့ သူတို့ကို ပြောလိုက်တာပေါ့ဗျာ။ သူတို့ကလည်းပဲ သူတို့ဒီမှာ လာစစ်တဲ့ ဘင်္ဂလားဒေ့ရ်ှက စစ်တွေကောင်စစ်ဝန်ကလည်း သူတို့ရဲ့ ဘင်္ဂလားဒေ့ရ်ှသံရုံးကို အကြောင်းကြားရတယ်။ အဲဒီကမှတဆင့် သူတို့နိုင်ငံမှာရှိတဲ့ နိုင်ငံခြားရေးဝန်ကြီးဌာနကတဆင့် အမြန်ဆုံးစိစစ်ပြီးတော့ လက်ခံဖို့ ဆောင်ရွက်နေတာပါခင်ဗျ။”

တောင်ပြိုလက်ဝဲမှာ ထိန်းသိန်းထားသူ ၇၀၀ ကျော်အနက်က ဘင်္ဂလားဒေ့ရ်ှနိုင်ငံသား နှစ်ဦး စခန်းက နေထွက်ပြေးသွားတယ်လို့လည်း ပြောပါတယ်။ ရခိုင်ပြည်နယ်က ဒေသခံပြည်သူတွေကတော့ ပထမအသုတ်ဖမ်းဆီးလိုက်တဲ့ လှေစီးပြေးဒုက္ခသည်တွေကို လူသားချင်းစာနာမှု အရ ရခိုင်ပြည်နယ်မှာ ထိန်းသိမ်းထားတာကို လက်ခံပြီး ဧရာဝတီတိုင်း ပင်လယ်ပြင်က ဖမ်းဆီးလိုက်တဲ့ လှေစီးပြေး ၇၀၀ ကို ရခိုင် ပြည်နယ်ကို ပို့ဆောင်တာကို လက်မခံနိုင်တာကြောင့် ဆန္ဒထုတ်ဖော်ဖို့ ပြင်ဆင်နေတယ်လို့ စစ်တွေမြို့က မြို့မိမြို့ဖအဖွဲ့ဝင် ဦးသန်းထွန်းက ပြောပါတယ်။

“ဘာကြောင့်လဲဆိုတော့ လူသားချင်းစာနာတယ်ဆိုရင် ဧရာဝတီတိုင်းမှာ လက်ခံထားပေးလို့ရတယ်လေ။ အခုဟာက ရခိုင်လူထုရဲ့အမြင်က ဘာဖြစ်နေပြီလဲဆိုတော့ အဲဒီ မွတ်ဆလင်တွေကို တွေ့တယ်ဆိုရင်ပဲ ရခိုင်ပြည်ကို ပို့ပေးရတော့မယ်ဆိုတဲ့အစဉ်အလာကြီးတခုကို ကျနော်တို့က မနှစ်သက်တာပါ။”

ဒီလ ၁၄ ရက်နေ့ကိုဆန္ဒထုတ်ဖော်မယ့်ရက်အဖြစ် သတ်မှတ်ထားပြီး ရခိုင်တပြည်နယ်လုံး ပါဝင်လာစေဖို့ ဆက်သွယ်ဆောင်ရွက်နေတယ်လို့ ပြောပါတယ်။ မြန်မာအစိုးရအနေနဲ့ လှေစီးပြီးထွက်ပြေးသူတွေအရေး ကိုင်တွယ်ဖြေရှင်းဖို့ ပြဿနာကိုဖြေရှင်းရာမှာ တစိတ်တပိုင်းအဖြစ်နဲ့ မြန်မာနိုင်ငံသားအဖြစ် အသိအမှတ်ပြု လက်ခံဖို့ကို ကုလသမဂ္ဂနဲ့အမေရိကန်အပါအဝင် နိုင်ငံတကာက ဖိအားပေးဆောင်ရွက်နေပါတယ်။

ဒီလ ၆ ရက်နေ့က ရန်ကုန်မြို့မှာကျင်းပတဲ့ သတင်းစာရှင်းလင်းပွဲမှာ မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်က လှေစီးတွေဟာ ဖိနှိပ်မှုကြောင့် ထွက်ပြေးကြရတဲ့ မြန်မာနိုင်ငံက ရိုဟင်ဂျာတွေ အများစု ဖြစ်တယ်လို့ နိုင်ငံတကာမှာ ပြောဆိုနေကြတာတွေဟာ မမှန်ကန်ကြောင်း နိုင်ငံတကာ သံတမန်တွေ၊ ကုလသမဂ္ဂနဲ့ နိုင်ငံတကာ အဖွဲ့အစည်းတွေကိုရှင်းလင်းပြောဆိုခဲ့ပါတယ်။

VOA
Share this article :

တစ်ပတ်အတွင်းသတင်းဒိုင်ယာရီ

email တွင်ဖတ်ရန် သင့် Mail ကိုရိုက်ထည့်ပါ

Zawgyi Unicode Font

Download

Total Pageviews

ထားဝယ်မြို့ဆန်းချီ အ-မ-က မြတ်ဆရာပူဇော်ပွဲ

Mandalay FM Live Radio


Mandalay FM Live Radio


လွင့်မောင်မောင်၏ ဒိုင်ယာရီ စာမျက်နှာများ

Followers

 
Support : Creating Website | Johny Template | Mas Template
Proudly powered by Blogger
Copyright © 2011. Lwintmgmg Daily News - All Rights Reserved
Template Design by Creating Website Published by Mas Template